Հայաստանի

միջազգային

փոխադրողների

ասոցիացիա

Մեր մասին

Մեր մասին

“Հայաստանի միջազգային փոխադրողների ասոցիացիա” հասարակական կազմակերպությունը (իրավաբանական անձի պետական գրանցման վկայական 03Ա 064002, գրանցման համարը` 211.171.02514, գրանցման ամսաթիվը` 26.03.2004թ., իրավաբանական անձի ծածկագիրը` 39116500, հարկ վճարողի հարկային կոդը` 00052111) կազմավորվել է 1999թ-ին՝ TIR կոնվենցիային դրույթների իրականացման նպատակով, որին Հայաստանի Հանրապետությունը միացել է 1993թ-ին։

Ավտոտրանսպորտի միջազգային միության կողմից, ինչպես նաև ՀՀՀ կառավարության 1999թ. հոկտեմբերի 26-ի N 670 որոշման համաձայն “Հայաստանի միջազգային փոխադրողների ասոցիացիա” ՀԿ-ն (ՀՄՓԱ) ճանաչվել է Հայաստանի Հանրապետության տարածքում TIR գրքույկներ տրամադրող երաշխիքային կազմակերպություն:

ՀՄՓԱ-ն TIR գրքույկներ է տրամադրում 2001թ.-ից:

  • TIR կոնվենցիա` TIR փոխադրագրքույկներով բեռների միջազգային փոխադրումների մասին մաքսային կոնվենցիա, ստորագրվել է 1975թ. նոյեմբերի 14-ին Ժնևում
  • Ավտոտրանսպորտի միջազգային միություն (IRU)` TIR կոնվենցիայի դրույթների իրականացման նպատակով կազմավորված միջազգային ոչ կառավարական կազմակերպություն, նստավայրը` ք. Ժնև (Շվեյցարիա): IRU-ի անդամ են հանդիսանում 170 կազմակերպություն երկրագնդի 81 պետություններից:

ՀՄՓԱ-ն 1999թ.-ից հանդիսանում է IRU-ի ասոցիացված անդամ :

Ծառայություններ

Ծառայություններ

TIR գրքույկ տրամադրվում է ՀՄՓԱ ՀԿ իսկական անդամներին և օտարերկրյա փոխադրողներին:

Տրանսպորտային միջոցներին՝ Մաքսային կապարակնիքների և կնիքների կիրառմամբ ապրանքների փոխադրման համար Թույլտվության Հավաստագրի տրամադրման օժանդակություն:

Միջազգային փոխադրողների ուսուցում, միջազգային Պրոֆեսիոնալ իրավասության վկայականի (CPC) տրամադրում:

Հասանելիություն միջազգյաին TIR-EPD համակարգին (համակարգ մուտք գործելու համար մուտքանունի և գաղտնաբառի տրամադրում)։

Միջազգային բեռնափոխադրումներ իրականացնող տրանսպորտային միջոցներին՝ ՌԴ-ում ՏՆԵԿ համապասխանության սերտիֆիկատի ստացման միջնորդություն։

Միջազգային բեռնափոխադրումներ իրականացնող վարորդների վիզաների ստացման միջնորդություն։

Միջազգային բեռնափոխադրումներ իրականացնելու համար անհրաժեշտ փաստաթղթերի (TIR գրքույկ, CMR բեռնագիր) լրացում:

Խորհրդատվական ծառայություններ միջազգային բեռնափոխադրումների հետ կապված հարցերի շուրջ:

TIR համակարգ

TIR համակարգ

TIR կոնվենցիա` TIR գրքույկի կիրառմամբ բեռների միջազգային փոխադրման մասին մաքսային կոնվենցիա, միջազգային համաձայնագիր, որն ընդունվել է 1975 թվականին ՄԱԿ-ի Եվրոպական տնտեսական հանձնաժողովի կողմից։ TIR համակարգը պարզեցնում է սահմանային ընթացակարգերը, նվազեցնելով մաքսային, տրանսպորտային և լոգիստիկ ընկերությունների վարչական բեռը: Այն զգալիորեն նվազեցնում է սահմանային անցակետերում սպասման ժամանակը՝ խնայելով ժամանակն ու գումարը: TIR կոնվենցիան ապացուցել է, որ այն հանդիսանում է Միավորված ազգերի կազմակերպության Եվրոպայի տնտեսական հանձնաժողովի (UNECE) հովանու ներքո ստեղծված ամենաարդյունավետ միջազգային իրավական փաստաթղթերից մեկը: Ներկա դրությամբ այն ունի 77 պայմանագրային կողմ, այդ թվում` Եվրոպական համայնքի պետություններ: Այն ընդգրկում է ողջ Եվրոպան, ինչպես նաև Հյուսիսային Աֆրիկայի և Մերձավոր ու Միջին Արևելքի մի շարք երկրներ: Ասիական երկրներն արդեն տեղեկացված են այս գլոբալ մաքսային տարանցման համակարգի կողմից ընձեռնվող հնարավորությունների մասին և նրանք հետաքրքրություն են ցուցաբերել մոտ ապագայում TIR կոնվենցիային միանալու հարցում: Ներկայումս արդեն Ամերիկայի Միացյալ Նահանգները և Կանադան, ինչպես նաև Հարավային Ամերիկայում Չիլին և Ուրուգվայը հանդիսանում են պայմանագրային կողմեր:

TIR համակարգի հաջողությունը կարելի է գնահատել նաև ըստ ամենամյա TIR գրքույկների բաշխման քանակի: 1952 թվականին թողարկվել էր շուրջ 3,000 TIR գրքույկ, որը կայուն կերպով ավելանալով 1960 թվականին հասել է 100,000-ի, իսկ այնուհետև 1970 թվականին` 800,000-ի: 1970-80-ական թվականներին TIR գրքույկների պահանջարկը տատանվել է 900,000-ի և 500,000-ի միջև: Սա կարելի է բացատրել Եվրոպական համայնքի ընդլայնմամբ, որի շրջանակներում Եվրոպական համայնքի տարածքում կիրառվել է ներքին տարանցման համակարգը և TIR գրքույկները չեն օգտագործվել մաքսային տարանցման գործողություններում՝ իր անդամ երկրների միջև: Եվրոպայի Արևելք – Արևմուտք առևտրի ընդլայնման արդյունքում, մասնավորապես սկսած 1989 թվականից, որը զուգակցվեց նաև միջազգային ավտոմոբիլային տրանսպորտի հսկայական աճի հետ, 1992 թվականին տրամադրված TIR գրքույկների քանակը գերազանցել է մեկ միլիոնը և 2006-ի տվյալներով հասել է մինչև 3,6 միլիոնի, որը իրենից ներկայացնում է օրեկան շուրջ 10,000 TIR համակարգով փոխադրում ավելի քան 55 երկրներում և ավելի քան 50,000 TIR սահմանային անցում:

Ազգային մաքսային մարմինների կողմից TIR գրքույկներ օգտագործելու համար լիազորված տրանսպորտային ընկերությունների թիվը կազմում է ավելի քան 38,000.2004 թվականին կենտրոնական Եվրոպայի մի շարք երկրների կողմից Եվրամիությանն անդամակցելը չհանգեցրեց Եվրոպայի այդ տարածաշրջանում TIR տրանսպորտային փոխադրումների նվազեցմանը: Միաժամանակ կանխատեսվում է, որ դեպի Մերձավոր Արևելքի և Ասիայի երկրներ և հակառակ ուղղությամբ կատարվող TIR տրանսպորտային փոխադրումները կշարունակեն աճել ապագայում:Ըստ էության, TIR մաքսային տարանցման համակարգի օգտագործման այդ հսկայական աճը կարելի է բացատրել TIR ռեժիմի հատուկ առանձնահատկություններով, որոնք միջազգային բեռնափոխադրումների պարագայում տրանսպորտային օպերատորներին և մաքսային մարմիններին բոլոր սահմանային անցակետերում առաջարկում են պարզ, ճկուն, ծախսարդյունավետ և անվտանգ մաքսային ռեժիմ: TIR համակարգը կոչված է առավելագույն կերպով դյուրացնելու միջազգային բեռնափոխադրումները` մաքսային դրոշմակնիքների կիրառմամբ: Համակարգը ապահովում է երկրներով տարանցումը անհրաժեշտ երաշխիքներով` զերծ պահելով մաքսային տուրքերի և հարկերի հետ կապված ռիսկերից: Հավասարակշռված պարտականություններ են սահմանվել մաքսային մարմինների և միջազգային առևտրում ներգրավված հանրության միջև:

ՀՀ Մաքսային առումով, TIR համակարգը`

  • նվազեցնում է ազգային տարանցման համար սահմանված ընթացակարգերի պահանջները (սահմանային անցակետերում մաքսային վերահսկողության միջոցառումների առումով).
  • զերծ է պահում թանկ աշխատուժի և սարքավորումների կիրառումից, որոնք կպահանջվեին տարանցիկ երկրներում ֆիզիկական ստուգումներ իրականացնելիս, քանի որ միայն պահանջվում է ստուգել դրոշմակնիքների առկայությունը և բեռի կամ բեռնարկղի արտաքին վիճակը ու ուղեկցող փաստաթղթերը.
  • պաշտպանում է հնարավոր ռիսկային տուրքերից և հարկերից, որոնք երաշխավորված են մինչև 100,000 Եվրո ՝ յուրաքանչյուր TIR համակարգով փոխադրման համար.
  • նվազեցնում է մաքսային մարմիններին ոչ պատշաճ տեղեկատվություն ներկայացնելու հետ կապված ռիսկերը

TIR համակարգը տրանսպորտային փոխադրողների համար`

  • հնարավորություն է տալիս որպեսզի բեռները բոլոր պետական սահմաններով անցնեն մաքսային մարմինների կողմից նվազագույն միջամտությամբ և առանց ուշացումների.
  • նվազեցնում է սահմանային անցակետերում սպասելու ժամանակը` համաձայն 1982թ. սահմանային անցակետերում բեռների հսկման ներդաշնակեցման մասին միջազգային կոնվենցիայի դրույթների (հավելված 8).
  • ներմուծողներին և արտահանողներին հնարավորություն է տալիս իրենց կարիքներից ելնելով առավել հեշտությամբ ընտրել տրանսպորտային տեսակը, և ապահովում է, որպեսզի այդ առումով մաքսային հսկողության մարմինների կողմից բեռնափոխադրումների ժամանակ որևէ խոչընդոտ չստեղծվի.
  • թույլ է տալիս օգտագործել պարզեցված փաստաթղթեր.
  • հնարավորություն է տալիս մուտք գործել 80 երկիր.
  • զերծ է պահում տարանցիկ սահմաններում տուրքերի և հարկերի համար երաշխիք տրամադրելու պահանջից.
  • թույլ է տալիս փոքր և միջին տրանսպորտային փոխադրողներին մրցակցային հիմունքներով մուտք գործել համաշխարհային շուկաներ` իրենց առևտրային անկախության պահպանմամբ:

TIR համակարգը և միջազգային առևտուրը՝

  • խրախուսում է միջազգային առևտրի զարգացումը անվտանգ և վերահսկվող միջավայրում` դյուրացնելով ավանդական խոչընդոտները, որոնք առկա են միջազգային բեռնափոխադրումներ կատարելիս.
  • հնարավորություն է տալիս զգալիորեն տնտեսել տրանսպորտային ծախսերը` նվազեցնելով տարանցման հետ կապված ուշացումները.
  • դյուրացնում է միջազգային առևտուրը:
Անդամակցություն ՀՄՓԱ-ԻՆ

Անդամակցություն ՀՄՓԱ-ԻՆ

Ասոցիացիայի անդամ կարող են լինել Ասոցիացիայի անդամ դառնալու իրավունք ունեցող իրավաբանական անձինք և Ասոցիացիայի քարտուղարության աշխատակիցները։ Օրենքով սահմանված կարգով Ասոցիացիայի անդամները լինում են Իսկական և Ասոցիատիվ։

Իսկական անդամները

Ասոցիացիայի Իսկական անդամներ կարող են լինել միջազգային փոխադրումներ իրականացնողները (Իրավաբանական անձիք և Անհատ Ձեռներեցները) և Ասոցիացիայի քարտուղարության աշխատակիցները, որոնք ընդունում են Ասոցիացիայի կանոնադրությունը, մասնակցում են նրա գործունեությանը, մուծում են Ասոցիացիայի խորհրդի կողմից սահմանված անդամակցման մուտքի ու տարեկան անդամավճարները, և ԱՏՄՄ-ի կողմից` նախատեսված և TIR համակարգով աշխատելու համար անհրաժեշտ երաշխիքային գումարը:

Ասոցիատիվ անդամները

Ասոցիացիայի Ասոցիատիվ անդամներ կարող են լինել այն փոխադրողները (Իրավաբանական անձիք և Անհատ Ձեռներեցները), որոնք ընդունում են Ասոցիացիայի կանոնդրությունը, մուծում են Ասոցիացիային անդմակցության մուտքի և տարեկան անդամավճարները:

Անդամների ցանկը կարող է փոփոխվել կամ լրացվել Ասոցիացիայի ժողովի կամ խորհրդի կողմից՝ անդամների ընդունման, անդամների դիմումի համաձայն դուրս գալու կամ Ասոցիացիայի նախաձեռնությամբ հեռացման միջոցով:

Անդամակցման համար պահանջվող փաստաթղթերի ցանկը՝

  1. Փոխադրողի պետական գրանցման վկայականի պատճենը
  2. Փոխադրողի հարկային կոդը (ՀՎՀՀ)
  3. Կազմակերպության կանոնադրության առաջին 2 էջի պատճենը
  4. Տնօրենի անձնագրի պատճենը
  5. Սերտիֆիկացվող տրանսպորտային միջոցի (բեռնատար, կցորդ/կիսակցորդ) և քարշակի տեխնիկական անձնագրերի պատճենները
  6. Սերտիֆիկացվող ավտոտրանսպորտային միջոցի գունավոր լուսանկարները (յուրաքանչյուր ավտոտրանսպորտային միջոցի համար 10x15 չափսի մինիմում 5 լուսանկար` լուսանկարված ստորև բերված օրինակներին համապատասխան), կողային դռնեռի առկայության դեպքում նաև դրանց լուսանկարները խոշոր պլանով
  7. Սերտիֆիկացվող ավտոտրանսպորտային միջոցի վարձակալության դեպքում` վարձակալության պայմանագրի պատճենը
  8. Լիազորված անձի անձնագրի պատճենը (եթե այդպիսին կա)

Մաքսային կապարակնիքների և կնիքների կիրառմամբ միջազգային բեռնափոխադրումներ իրականացնելու թույլտվության հավաստագրի տրամադրման և գործողության ժամկետի երկարաձգման կարգը։

Տրանսպորտային միջոցներին մաքսային կապարակնիքների և կնիքների կիրառմամբ միջազգային բեռնափոխադրումներ իրականացնելու թույլտվության հավաստագիր տրամադրելու կամ արդեն գործող հավաստագրի ժամկետը երակարաձգելու գործընթացը տեղի է ունենում ՀՀ կառավարության 26.10.1999թ. թիվ 670 որոշման համաձայն՝ ըստ որի, միջգերատեսչական հանձնաժողովի կողմից իրականացվում է տրանսպորտային միջոցների (կցորդների, կիսակցորդների, բեռնատարների) 1975թ.-ի ՄՃՓ Կոնվենցիայով սահմանված տեխնիկական պահանջների համապատասխանության ստուգման գործընթաց։

Ցանկացած տրանսպորտային միջոցի (կցորդի, կիսակցորդի, բեռնատարի) թույլտվության հավաստագրի ժամկետի երկարաձգման համար ՄՃՓ Կոնվենցիայով սահմանված տեխնիկական պահանջների համապատասխանության ստուգման գործընթացը իրականացվում է յուրաքանչյուր երկու տարին մեկ:

Ներկայացված տրանսպորտային միջոցները ենթարկվում են ստուգման՝ յուրաքանչյուր երեքշաբթի և հինգշաբթի օրերին,հատուկ ստուգման համար նախատեսված կայանատեղիում, հետևյալ հասցեով՝ ՀՀ, ք. Երևան, Թբիլիսյան խճուղի 29/13, իսկ դիմումների ներկայկացման համար մոտենալ ՀՄՓԱ գրասենյակ զննությունից մեկ օր առաջ՝ համապատասխանաբար երկուշաբթի և չորեքշաբթի։ Տրանսպորտային միջոցը ստուգման պետք է ներկայացվի ԴԱՏԱՐԿ վիճակում:

Բեռնատար մեքենայի սերտիֆիկացման համար անհրաժեշտ նկարների օրինակներ:

Թիմ

Թիմ

Կարեն Ղարագյոզյան

ՀՄՓԱ ՀԿ նախագահ

Հեռ: 010208805
Էլ․ հասցե: kmg@airca.am

Գագիկ Գրիգորյան

ՀՄՓԱ ՀԿ նախագահի խորհրդական

Հեռ: 010208806
Էլ․ հասցե: gagik.grigoryan@airca.am

Գայանե Բարսեղյան

TIR փոխադրումների և SafeTIR պատասխանատու

Հեռ: 010208806
Էլ․ հասցե: gayane.barseghyan@airca.am

Գոհար Մելքումյան

Գլխավոր Հաշվապահ

Հեռ: 010208804
Էլ․ հասցե: info@airca.am

Սարգիս Գրիգորյան

Մաքսային հարցերով պատասխանատու

Հեռ: 010208806
Էլ․ հասցե: sargisgrigoryan@airca.am

Հասմիկ Միրիբյան

Գործավար-թարգմանիչ, կադրային հարցերի պատասխանատու

Հեռ: 010208806
Էլ․ հասցե: info@airca.am

Լիլիթ Գալստյան

Գլխավոր հաշվապահի օգնական

Հեռ: 010208804
Էլ․ հասցե: info@airca.am

Ալեն Կանչինյան

Կրտսեր մասնագետ

Հեռ: 010208806
Էլ․ հասցե: info@airca.am
Հետադարձ կապ

Հետադարձ կապ

ՀՀ, ք․ Երևան, Դավիթ Անհաղթ 23, շինություն 20

Աշխատանքային օրեր և ժամեր

Երկուշաբթի-հինգշաբթի՝ 09։00 - 18։00 , Ուրբաթ՝ 09։00 - 17։00

Փոխադրողների սպասարկման ժամերը՝ Երկուշաբթի-հինգշաբթի՝ 09։30 - 17։30, Ուրբաթ՝ 09։30 - 16։30